Provi esti verkisto

Lastatempe, mi verkis malgrandan rakonton en la angla por konkurso de skribado. Hodiaŭ la duon-finalistoj estis anoncita kaj mia rakonto estis unu el ili!

Mi konfesas ke mi havis anksion pro tio dum la monato kiam la rakontoj estis juĝitaj. (La anksio ne helpis min. Eble mi devus aŭskulti la stoikistojn pri tio.)

Tio ĉi estas mia unua konkurso post kiam mi ĉeestis gimnazion. En tiu konkurso, mi gajnis la trian lokon. Mi kredas ke mi fariĝis pli bona verkisto post tiam kaj esperas ke tiu ĉi konkurso estos pli bona por mi.

La rakonto estas sciencfikcia rakonto pri viro, Will Brown, en mondo kie homoj povas meti siajn mensojn en komputilon kaj havi ĝin meti en novan korpon kiam ili mortas. Post kiam vivi 10.000 jarojn, li rimarkas multajn ŝanĝojn en sia personeco. Pro tio, li scivolas ĉu li ankoraŭ estas la sama viro kaj vizitas sian psikiatron por li helpi Will kompreni kial li sentas sin tiel.

Normale, mi ne skribus pri verko en la angla, sed ne jam estas Esperanta traduko. Eble iam mi farus tion. Sed nun mi atendas la rezulton de la konkurso. Ĝis tiam mi plu verkos, inkluzive ĉi tie.