Uzante la francan la tutan tagon

Kvankam mi ne studas aferojn ĉi-semajne tiom kiom mi kutime studas, mi ne tute evitis studadon de mia vivo. Hodiaŭ, mi finfine denove renkontis mian francan amikon de lingva interŝanĝo. Pro tio, mi volis kiel eble plej ofte uzi la francan la tutan tagon.

Mi faris tion pli frue en la jaro kaj ne tiom sukcesis sed mi havis fidon pri mi ĉi-foje. Kaj la tago ja estis pli bona ol lastatempe.

Je la komenco de la tago, mi faris lecionojn en Duolingo 30 minutojn. La nivelo estis sufiĉe malfacila laŭ mi. En kelkaj lecionoj mi faris multajn erarojn. Mi ankoraŭ penas kompreni la objektajn pronomojn kiujn oni metas antaŭ la verbon. Precipe, la uzo de en, kiel io aŭ iom, konfuzas min. Tamen, mia kompreno pliboniĝas tagon post tago.

Poste mi spektis epizodon de la franca televida serio Code Lyoko. Mi komprenis nur ĉirkaŭ 30% el la frazoj sed tio ne tiom ĝenis min ĉar mi kuiris manĝon samtempe kaj ne tute atentis la epizodon.

Manĝante la manĝon, mi refaris lecionon de Pimsleur French. Mi celis respondi rapide kaj kun bona prononco. Mi ne memoris ĉion el la leciono sed ĝi ekzercis mian langon por kunparoli kun mia amiko.

Tiam, mi havis iomete da tempo, do mi spektis francan filmeton en YouTube kun francaj subtekstoj. Per la subtekstoj, mi komprenis la tutan.

Mi renkontis mian amikon. Ni kunparolis la unuan duonon el horo tute en Esperanto. Post tio, ni kunparolis france. Finfine, ni kunparolis iom en ĉiuj el niaj tri lingvoj, en la angla, la franca, kaj Esperanto, ŝanĝante la lingvon laŭvole. Mi komprenis preskaŭ ĉion kion li diris en la franca. Tamen, mi penis fari frazojn. Tio ne surprizas min ĉar mi ne parolis la francan lastatempe.

Denove renkonti mian amikon estis bonege. Espereble ni faros tion denove post malpli da tempo ol ĉi-foje.

Sed nun, mia kapo doloras min. Mi ĵus spektis francan filmeton pri oftaj eraroj en la franca. Estas kiel mia cerbo finfine deklaras ke mi ne plu ekzercos min tiel hodiaŭ.

Do, mi skribis ĉi tion. Esperanto ja estas fremda lingvo por mi sed kompare de la franca, uzi Esperanton estas kiel ferio por mia doloranta cerbo.

Kaj kvankam ĝi nun doloras min, mi certas ke mia cerbo ŝatis la sperton.

3 thoughts on “Uzante la francan la tutan tagon”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s