Malnovaj teknikoj

Kiam mi estis juna, mi aŭskultis muzikon per kasedilo. La kasedilo, kiun mi havis, povis ludi ankaŭ kompaktajn diskojn kaj radio-elsendojn. Ĝi estis tre mojosa! Tamen, verdire, la tekniko ne estis tiom bona kompare de la nune haveblaj.

Nu, mia juneco ne okazis antaŭ ol ekzistis la kompakta disko sed la muzik-kasedo ankoraŭ estis ofta. Ekzemple, mi aŭskultis la unuajn kvar librojn de Harry Potter per kasedoj. Malgraŭ tio, mi malofte aŭskultis muzikon per kasedo ĉar oni ne povis facile elekti kanton. Se mi volus aŭskulti nur tri kantojn el kasedo de 12 kantoj, mi uzus kelkajn minutojn, la saman daŭron kiel de kanto mem, por trovi la kantojn. Aliflanke, sonlibro ne havas tian problemon ĉar oni aŭskultas la tutan

Sed mi ial ĝuas la memoraĵojn pri la tekniko.

Tio estas ofta pri malnovaj teknikoj. Ili mankas al mi kaj mi plendas pri la nunaj. La malnovaj teknikoj estis pli simplaj. Sed kiam mi honeste pripensas ilin, mi klare memoras la multajn problemojn.

La kasedo ja estas pli simpla ol la diskaparato kaj la interreto sed tio estas laŭ la tekniko mem. Por la uzanto, la kasedo estis multe pli malsimpla. Oni ne bezonas preni kaj turni diskaparaton al ĝia alia flanko post 30 minutoj por daŭre uzi la komputilon. Oni ne bezonas atendi dum la komputilo mal-elŝutas retpaĝon kiam oni alklakas la butonon por iri malantaŭen.

Kial mi feliĉe memoras tiajn teknikojn? Verŝajne, mi ne vere memoras la teknikojn mem. Mi memoras kion ili donis al mi.

Mi memoras mian rideton kiam miaj gepartoj donis la kasedilon al mi je Kristnasko. Mi memoras ripozi sur la lito, aŭskultante bonan muzikon. Mi memoras la voĉon de Jim Dale en la sonlibroj de Harry Potter, malkovrante tiujn mirindajn librojn.

Do, en la estonteco, kiam mi memoros aŭskulti muzikon per Pandora en la interreto, estos same. Mi ne vere memoros la reklamojn. Mi ne memoros la bufradon. Mi memoros kian muzikon mi aŭskultis. Mi memoros la muzikistojn, kiujn mi malkovris.

Kaj mi sopiros la nunon, kiel mi sopiras la pasintecon, forgesante la problemojn kaj dezirante ion pli simplan ol la tiame haveblan. Ĉar malkiel teknikoj, homoj ne tiom ŝanĝiĝas.

3 thoughts on “Malnovaj teknikoj”

  1. I’m confused about the word tekniko. I was thinking that teknologio would better fit for what you are describing.

    teknologi/o
    1 Scienco pri la iloj, procedoj k metodoj, uzataj en industrio por fabrikado de teknikaj objektoj.

    teknik/o. Tuto de la metodoj k procedoj, uzataj por plenumi verkon aŭ produkti objekton

    Even with the definitions in front of me, I am undecided. Could you explain your word choice?

    Thanks.

    Like

    1. The English word “technology” is used both to describe the science of techniques or inventions and the techniques or inventions themselves. The word “teknologio” means technology generally, as a field, or a collection of techniques or technical things. I don’t think referring to one piece of technology as “teknologio” would make sense. It is probably done, because that’s how the word is used in English, but I don’t want English to bias me in this regard.

      Because I’m talking about a particular technology, I used “tekniko.” It’s not perfect either, but I didn’t want to go with something like “teknologiero” or “teknika ilo” as that seems clunky. Perhaps there is a better word, but I couldn’t find it. My hope is that it will be clear what I am talking about from the rest of the context.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s