Pri la ligilaj vortoj

En tiu ĉi blogo, vi iam vidos ligilajn vortojn. Ili ligos la vortojn al iliaj difinoj en vortaro.net aŭ artikolon en Vikipedio. Mi uzos ĝin kiam mi ne certas ĉu progresintoj komprenos la vorton, koncepton, aŭ homon. Kaj mi provos fuŝe aldoni ligilojn tro multe anstataŭ ne sufiĉe.

La celo ne estas instrui Esperanton. Komencantoj rajtas legi la blogon. Fakte, mi kuraĝigas tion, ĉar mi kredas la uzadon de la lingvo pli grava ol la studadon, sed mi ne povas fari ĉiun vorton ligilo. Nek mi estas instruisto. Mi estas nur progresinto, kaj mia sperto pri Esperanto estas tiel malgranda. Se vi estas komencanto, kaj volas skribi al mi demandon, ja faru tion, sed ne atendu ege spertan respondon.

Kial ne simple forigu malsimplajn vortojn? Iam mi estas poeziema. Ekzemple, mi unue volis komenci la blogon kun priskribo de mia nuna ĉambro…

De mi la komputilo estas antaŭe. Incenso brulas malantaŭe. Taso da kafo sidas apude. La muroj verdebluas.

Mi ne volas ŝajni snobo, do mi ne komencis ĝin tiel.

Alie, mi ne volas timi malsimplajn aferojn. Esperanto estas mia dua lingvo, kaj mia vortprovizo ne estas tiel bona kiel mia denaska. Se mi forigus malsimplajn vortojn, eble mi skribus nek malsimplajn vortojn nek malsimplajn temojn.

La lasta estus tre bedaŭrinda.